अमित-आभ

By -


अमिताभ... हा ७६ वर्षांचा असला तरी त्याला 'अहो-जाहो' करवत नाही. माझ्यापेक्षा ४८ वर्षांनी मोठा असला तरी 'तो अमिताभ'च आहे. तर... अमिताभचा कुठल्याशा शूटिंगच्या वेळचा एक व्हिडिओ पाहिला. ७६व्या वर्षी तो ज्या उत्साहाने, चपळाईने काम करतोय, विशीत किंवा तिशीत असल्यासारखी इकडून तिकडे धावाधाव करतोय ते पाहताना मनोमन या माणसाला सलाम केला. आयुष्यात त्याने नाव कमावलंच पण साठीच्या उंबरठ्यावर असताना राखेतून फिनिक्सभरारी घेत ज्या यशस्वीपणाने सेकंड इनिंग खेळायला सुरुवात केली (आणि अजूनही खेळतोय) ते पाहताना अमिताभपुढे नतमस्तकच व्हावंसं वाटतं.
त्या व्हिडिओत मेकअपवाल्याने कसलासा फवारा मारल्यामुळे (बहुधा) त्याला अचानक दम लागला. पण त्याने पंप घेतला आणि चालू शूटिंग थांबवलं नाही.
आम्ही विशी आणि तिशीतल्या अनेकांना जरा काम केलं की कंटाळा येतो, थकायला, बोअर वगैरे होतं. हा माणूस शहात्तराव्या अशी धावाधाव करतो ! आम्हाला ९-६ वेळ ऑफिसात गेला की अख्खा दिवस संपल्यासारखं वाटतं आणि हा माणूस रात्री २-२ ३-३ वाजता शूटिंगहून परत आल्यावर पोस्ट टाकतो. आणि परत सकाळी कामाला पुन्हा हजर असतो.
अरे माणसा, किस मिट्टी के बने हो तुम ? कुठून येते एवढी एनर्जी, उत्साह ? तुझे समकालीन कलाकार बघ, एखाद फिल्म करतात केव्हातरी नाहीतर रिटायर झालेत आणि तू ... परवा वाढदिवसाच्या दिवशी पोस्ट केलंस त्यात लिहिलंयस-
"The day an artist feels that this is enough no more, would be for me, a defeat on my creative abilities. Yes there shall always be limitations to our abilities, but to admit that without effort, would be devastating. I believe we learn each day of our living life. Giving up on it would mean, giving up on living. I would wish to keep learning each day of my life ; and I do know and realise that even that would never be enough."
तुझ्या १०% ऊर्जा दे आम्हाला, ठरवूनही निव्वळ आळसामुळेन न केलेली कामं तरी मार्गी लागतील ! तुम्ही ऑक्टोबरमध्ये जन्म घेतलेले असेच सतत कामाच्या उत्साहाने सळसळत असता का रे (दुसरं उदाहरण आई माझी , तिसरा आमचा सुमंत म्हणजे सुम्या... म्हणून म्हटलं) ?
त्या व्हिडिओवर कमेंट्समध्ये काही महाभागांनी आपली कोती मनोवृत्ती दाखवत "पैसे मिळतात त्याला" लिहिलंय त्यांची खरंच कीव करावीशी वाटली. पण जाऊदे, ते तुझ्या पासंगालाही पुरणार नाहीत ! तू असाच उत्साहाने पुढची अनेक वर्ष काम करत रहा आणि अशीच मस्त बॅटिंग करून आम्हाला आनंद देत रहा ! तुझ्यासारखे प्रेरणास्रोत फार दुर्मिळ असतात रे...
तुझ्या वाढदिवशी खरं म्हणजे काहीतरी छान लिहायचं होतं तुझ्याबद्दल, पण एकतर वेळ झाला नाही आणि दुसरं म्हणजे तुझे सिनेमे, तुझी एकूण कारकीर्द, तुझी अभिनय क्षमता याबद्दल अनेकांनी लिहिलंय. म्हटलं आता मला तुझ्या भावणाऱ्या वेगळ्या पैलूबद्दल आपण लिहूया...

Love you अमिताभ... ❤️
तुझ्यापेक्षा जवळजवळ अर्धशतकाने लहान तुझा एक चाहता,

कौस्तुभ
१३ ऑक्टोबर २०१८ 


Comments

Post a Comment

Popular posts from this blog

'आमचे ग्रहण अजून(ही) सुटलेले नाही'

By -
Image
शाळेत मराठीच्या पुस्तकात (९वी/१०वी) समाजसुधारक गोपाळ गणेश आगरकर यांचा एक धडा होता याच नावाचा, 'आमचे ग्रहण अजून सुटलेले नाही'. साधारण १२५ वर्षांपूर्वीचं निबंधलेखन असावं. त्यात भारतीय समाजातल्या अंधश्रद्धांवर कडाडून टीका केलेली होती. आगरकरांनी त्यात ग्रहणकाळात 'सचैल स्नान' करायच्या प्रथेबद्दल लिहिलं होतं. ज्योतिषशास्त्राबद्दलही लिहिलं होतं. आज Whatsappवर ग्रहणकाळात काय करावं आणि काय करू नये याच्याबद्दल एका messageमध्येही न पुरणारा भलामोठा message सकाळी सकाळी आला. मलमूत्र विसर्जन करू नये, अन्नपाणी ग्रहण करू नये, शिवणकाम करू नये, तेल लावू नये, स्नान करावे, जप करावे, दानधर्म करावा, अमुक केलं तर हा रोग होईल, तमुक केलं तर तो रोग होईल. हे केलं तर या नरकात जाल, ते केलं तर त्या नरकात जाल असं बरंच काही लिहिलं होतं कुठल्या कुठल्या पुराणांचे हवाले देऊन. असा मेसेज बघून बहुतेक Whatsappही वैतागलं असावं. कारण शेवटी 'Message too long, truncated by Whatsapp' असं आलं होतं. Message वाचून अक्षरशः कपाळावर हात मारला. "तो चंद्र बिचारा सतत सूर्याचा दा...
Read more

'Code मंत्र' - Review

By -
Image
तशी तिची अभिनयाची क्षमता ‘मुंबई-पुणे-मुंबई’ मधून कळली होतीच (‘जोगवा’ मी नंतर बघितला), पण तुम्ही एक सच्चे कलाकार असाल तर तुमच्या क्षमतांना challenge करून तुमच्याकडून सर्वोत्कृष्ट काम करून घेणारं एखादं प्रोजेक्ट कधी ना कधी तुमच्या हाती लागतंच. ‘Code Mantra’ नाटक मुक्तासाठी हे असंच प्रोजेक्ट आहे. स्वतः सहनिर्माती असल्यामुळे मुक्ताच्या वेचक नजरेने ‘Code Mantra’ हे वेगळ्याच विषयावरचं नाटक रंगभूमीवर सादर करण्यासाठी निवडलं आणि Dedicated टीमने हे नाटक अक्षरशः जिवंत उभं केलंय. स्नेहा देसाई लिखित मूळ गुजराती रंगभूमीवर चालू असलेलं हे नाटक मराठी रंगभूमीवर आणलं आहे आणि ते कुठेही कमी पडत नाही. सशक्त कथा आणि पटकथा हा या नाटकाचा पाया आहे. नाटक पाहत असताना पहिला अंक संपतो तेव्हा वाटतं, “अरे, पहिला अंक संपलापण ?” पण एकीकडे असं वाटत असताना दुसरीकडे असं कुठेही वाटत नाही की कुठल्याही बाबतीत काहीतरी कमी पडलंय. नाटकाचा वेगच तसा आहे. कारण अर्थातच नाटकाचा विषय ‘सैन्या’शी संबंधित आहे, त्याला वेग हा हवाच. दुसरा अंक पहिल्या अंकातला वेग सांभाळत पुढे सरकतो आणि तितकाच रंगत, प्रेक्षकांना खिळवून ठेवत शेवट होतो. ‘कर्...
Read more

'Suits' that suits well...

By -
Image
'Suits'चे ६ Seasons बघून झाले. Thanks to Amazon Prime (७वा Prime वर नाहीये). अनेक दर्जेदार इंग्रजी मालिकांमध्ये नक्कीच या मालिकेची गणना करता येईल. Gabriel Macht, Patrick J. Adams या दोन मुख्य कलाकारांनी सहाही Seasons उत्कृष्ट काम केलं आहे. Harvey Specter आणि Mike Ross खरंच कोणी असतील तर अगदी असेच असतील इतकं त्यांना जिवंत उभं केलं आहे. न्यूयॉर्कमधला एक सुप्रसिद्ध कॉर्पोरेट वकील असलेला Harvey, त्याची बेडर वृत्ती, प्रतिस्पर्ध्याला अजिबात दया न दाखवता चारीमुंड्या चीत करणारा त्याचा कणखरपणा, आणि हळूहळू पुढे येत गेलेली त्याची हळवी, भावनिक बाजू.... Gabriel Macht हार्वेच्या पात्राला पुरेपूर न्याय देतो. तीच गोष्ट Mike Ross ची. दुसऱ्यांसाठी पैसे घेऊन परीक्षा देणारा, एकपाठी, तल्लख स्मृती असणारा Bike Messenger ते सहाव्या सीजनच्या अखेरीस New York Bar मध्ये स्वीकारला गेलेला Mike Ross… या पात्राला खूप कंगोरे आहेत. तो हुशार आहे, तल्लख आहे आणि तो संवेदनशीलही आहे. ही संवेदनशील आणि तत्वनिष्ठ वृत्ती त्याला अनेकदा अडचणीत आणते खरी पण त्यातून स्वतःच्या क्षमतेवर आणि इतर सहकाऱ्यांच्या मदतीने त्यातून पार...
Read more