No Prejudice please....

By -
                                   

'धक्का', 'अप्रूप', 'आश्चर्य', 'अरे बापरे असं कसं झालं ?', 'चूक', 'बरोबर' अशा शब्दांच्या कितीतरी पलीकडे जगते मी आता.. जो जसा आहे तसा स्वीकारण्यात थ्रिल आहे... मला मजा वाटते फार... अगदी आहे तशीच व्यक्ती.... एकही तक्रार डोकं वर काढत नाही. खूप छान वाटतंय या अनुभवासोबत... एन्जॉय करतेय मी. एखादी गोष्ट बोलण्यामागे नक्की काय अनुभव असेल हा विचार करताना काहीतरी सस्पेन्स reveal होत असल्यासारखं वाटतं. त्याने दिलेल्या मतांवरून एकंदरीत मानसिकता कशी असेल याचा अंदाज बांधता येतो... अर्थात ते पूर्णपणे जमतंच अस नाही; अपवाद असतातच. पण व. पु. म्हणतात - 'एखाद्या माणसाला करेक्ट ओळखणे हा जगातला सर्वश्रेष्ठ आनंद असतो.' आणि हा आनंद अनुभवणं म्हणजे धमाल !!
कुणी अमुक गोष्ट केली म्हणून तो वाईट... कुणी तमुक गोष्ट केली तर तो चांगला असं लगेच ठरवून मोकळे होतो आपण... अरे पण का ? ज्या कुणी ती अमुक किंवा तमुक गोष्ट केली ती तशी परिस्थिती उद्भवली म्हणून करावी लागली. कुठल्या हेतूने केली किंवा का केली गेली हे न बघता त्यावर स्वतःच्या चांगल्या आणि वाईटाच्या व्याख्येनुसार लेबल चिकटवणार... आणि झाली ती व्यक्ती तुमच्या नजरेत बदनाम !! फार कीव येते असा विचार करणाऱ्यांची मला. त्यांना ओरडून सांगावसं वाटतं, चूक आणि बरोबर या पलीकडेही जग आहे. जरा या तिकडे... तुम्हीही जगा आणि दुसऱ्यांनाही जगू दया. अर्थात असं नुसतं सांगून काही होणार नाही. हे ज्याचं त्यालाच कळायला हवं... कारण सांगितलेला मुद्दा 'कळायला' परिपक्वता लागते, 'ऐकायला' नाही. काय हरकत आहे आपली मनाची पाटी कोरी ठेवून जगायला ? शिकण्यासारखं खूप काही मिळेल. मनात पूर्वग्रहांचं ओझं घेऊन खूप जगलात आता जरा हलके होऊन जगा.
-अवंती

(१९ मार्च, २०१५)

Comments

  1. RuchikaMarch 20, 2015 at 7:46 AM

    This comment has been removed by the author.

    ReplyDelete
  2. RuchikaMarch 20, 2015 at 7:48 AM

    Very 1st blog n u r der.... awesome !

    ReplyDelete
  3. RuchikaMarch 20, 2015 at 7:50 AM

    This comment has been removed by the author.

    ReplyDelete
  4. UnknownMarch 20, 2015 at 12:10 PM

    एखादा व्यक्ती चुकीचा वागला तर तो वाईटच असणार हा पूर्वग्रह का करतात लोक, हे मला नेहमी पडणारा प्रश्न..

    ReplyDelete
  5. UnknownApril 1, 2015 at 9:41 AM

    Khuuuuuuuuuuuuup sundar... He jyala kallla tyala sukhi jafnyachi gurukilli milali.. Hats off Avanti..

    ReplyDelete

Post a Comment

Popular posts from this blog

'आमचे ग्रहण अजून(ही) सुटलेले नाही'

By -
Image
शाळेत मराठीच्या पुस्तकात (९वी/१०वी) समाजसुधारक गोपाळ गणेश आगरकर यांचा एक धडा होता याच नावाचा, 'आमचे ग्रहण अजून सुटलेले नाही'. साधारण १२५ वर्षांपूर्वीचं निबंधलेखन असावं. त्यात भारतीय समाजातल्या अंधश्रद्धांवर कडाडून टीका केलेली होती. आगरकरांनी त्यात ग्रहणकाळात 'सचैल स्नान' करायच्या प्रथेबद्दल लिहिलं होतं. ज्योतिषशास्त्राबद्दलही लिहिलं होतं. आज Whatsappवर ग्रहणकाळात काय करावं आणि काय करू नये याच्याबद्दल एका messageमध्येही न पुरणारा भलामोठा message सकाळी सकाळी आला. मलमूत्र विसर्जन करू नये, अन्नपाणी ग्रहण करू नये, शिवणकाम करू नये, तेल लावू नये, स्नान करावे, जप करावे, दानधर्म करावा, अमुक केलं तर हा रोग होईल, तमुक केलं तर तो रोग होईल. हे केलं तर या नरकात जाल, ते केलं तर त्या नरकात जाल असं बरंच काही लिहिलं होतं कुठल्या कुठल्या पुराणांचे हवाले देऊन. असा मेसेज बघून बहुतेक Whatsappही वैतागलं असावं. कारण शेवटी 'Message too long, truncated by Whatsapp' असं आलं होतं. Message वाचून अक्षरशः कपाळावर हात मारला. "तो चंद्र बिचारा सतत सूर्याचा दा...
Read more

'Code मंत्र' - Review

By -
Image
तशी तिची अभिनयाची क्षमता ‘मुंबई-पुणे-मुंबई’ मधून कळली होतीच (‘जोगवा’ मी नंतर बघितला), पण तुम्ही एक सच्चे कलाकार असाल तर तुमच्या क्षमतांना challenge करून तुमच्याकडून सर्वोत्कृष्ट काम करून घेणारं एखादं प्रोजेक्ट कधी ना कधी तुमच्या हाती लागतंच. ‘Code Mantra’ नाटक मुक्तासाठी हे असंच प्रोजेक्ट आहे. स्वतः सहनिर्माती असल्यामुळे मुक्ताच्या वेचक नजरेने ‘Code Mantra’ हे वेगळ्याच विषयावरचं नाटक रंगभूमीवर सादर करण्यासाठी निवडलं आणि Dedicated टीमने हे नाटक अक्षरशः जिवंत उभं केलंय. स्नेहा देसाई लिखित मूळ गुजराती रंगभूमीवर चालू असलेलं हे नाटक मराठी रंगभूमीवर आणलं आहे आणि ते कुठेही कमी पडत नाही. सशक्त कथा आणि पटकथा हा या नाटकाचा पाया आहे. नाटक पाहत असताना पहिला अंक संपतो तेव्हा वाटतं, “अरे, पहिला अंक संपलापण ?” पण एकीकडे असं वाटत असताना दुसरीकडे असं कुठेही वाटत नाही की कुठल्याही बाबतीत काहीतरी कमी पडलंय. नाटकाचा वेगच तसा आहे. कारण अर्थातच नाटकाचा विषय ‘सैन्या’शी संबंधित आहे, त्याला वेग हा हवाच. दुसरा अंक पहिल्या अंकातला वेग सांभाळत पुढे सरकतो आणि तितकाच रंगत, प्रेक्षकांना खिळवून ठेवत शेवट होतो. ‘कर्...
Read more

'Suits' that suits well...

By -
Image
'Suits'चे ६ Seasons बघून झाले. Thanks to Amazon Prime (७वा Prime वर नाहीये). अनेक दर्जेदार इंग्रजी मालिकांमध्ये नक्कीच या मालिकेची गणना करता येईल. Gabriel Macht, Patrick J. Adams या दोन मुख्य कलाकारांनी सहाही Seasons उत्कृष्ट काम केलं आहे. Harvey Specter आणि Mike Ross खरंच कोणी असतील तर अगदी असेच असतील इतकं त्यांना जिवंत उभं केलं आहे. न्यूयॉर्कमधला एक सुप्रसिद्ध कॉर्पोरेट वकील असलेला Harvey, त्याची बेडर वृत्ती, प्रतिस्पर्ध्याला अजिबात दया न दाखवता चारीमुंड्या चीत करणारा त्याचा कणखरपणा, आणि हळूहळू पुढे येत गेलेली त्याची हळवी, भावनिक बाजू.... Gabriel Macht हार्वेच्या पात्राला पुरेपूर न्याय देतो. तीच गोष्ट Mike Ross ची. दुसऱ्यांसाठी पैसे घेऊन परीक्षा देणारा, एकपाठी, तल्लख स्मृती असणारा Bike Messenger ते सहाव्या सीजनच्या अखेरीस New York Bar मध्ये स्वीकारला गेलेला Mike Ross… या पात्राला खूप कंगोरे आहेत. तो हुशार आहे, तल्लख आहे आणि तो संवेदनशीलही आहे. ही संवेदनशील आणि तत्वनिष्ठ वृत्ती त्याला अनेकदा अडचणीत आणते खरी पण त्यातून स्वतःच्या क्षमतेवर आणि इतर सहकाऱ्यांच्या मदतीने त्यातून पार...
Read more